"Ювентус" ва вингер Федерико Кьеза янги шартнома борасида келишиб олишга яқин. "Кекса синьора"нинг асосий юлдузлардан бири билан шартномани узайтириш нияти анчадан бери маълум.

Инсайдер Николо Шкиранинг янгиланган маълумотларига кўра, томонлар янги келишув шартлари бўйича деярли келишиб олишган. Келишув Евро-2024 бошланишидан олдин якунланиши мумкин.

Федерико Кьеза 2020 йилдан бери "Ювентус"да ўйнаб келмоқда. Жорий мавсумда 26 ёшли италиялик Массимилиано Аллегри жамоасида 28 та ўйинда майдонга тушиб, 8 та гол ва 2 та голли узатмани амалга оширди. Футболчининг амалдаги шартномаси 2025 йилда якунига етади.