Туриннинг "Ювентус" клуби ярим ҳимоячиси Адриен Рабио ёзда жамоага "Болонья" устози Тьяго Мотта келса, уни тарк этиш эҳтимоли юқори. Журналист Николо Скиранинг маълумотларига кўра, италиялик мутахассис Массимилиано Аллегридан фарқли ўлароқ, французни келажакда "Ювентус"нинг асосий ўйинчиларидан бири сифатида кўрмайди.

Рабьонинг "кекса синьора" билан амалдаги шартномаси ёзда тугайди, шунинг учун футболчига эркин агент сифатида кетишга рухсат берилиши мумкин. Адриеннинг маоши катта, шунинг учун раҳбарият уни ҳозирги шароитда жамоада олиб қолишни истамаяпти.

Мотта ва Рабио аввалроқ “ПСЖ”да футболчи сифатида бирга ўйнашган.