"Байер" ва Англия Премьер-лигасининг икки клуби "Барселона"нинг собиқ ярим ҳимоячиси учун курашишга тайёр. Германиянинг Bild нашри хабарига кўра, гап Лиссабоннинг "Спортинг" жамоасида ўйнаётган Франсишку Тринкан ҳақида кетмоқда.

24 ёшли португалиялик жорий чемпионатда 8 та гол урди ва 4 та голли узатмани амалга оширди. "Transfermarkt" ярим ҳимоячининг бозор нархини 14 миллион еврога баҳоламоқда.

Тринканнинг "Спортинг" билан шартномаси 2026 йилнинг ёзига қадар мўлжалланган. Қайд этилишича, Франсишкунинг кейинги сотувидан тушган маблағнинг ярми каталониялик "Барселона"га тушади. Ўтган ёзда "блауграна" футболчини "Спортинг"га 7 миллион еврога сотиб юборганди.