Каталониянинг "Барселона" клуби ярим ҳимоячиси Иван Ракитич "кўк-анорранглилар" либосидаги энг ёмон ўйинини айтди. Хорватиялик футболчи Чемпионлар лигасининг 2017/18 йилги мавсуми жавоб чорак финалида "Рома"га қарши ўйинни эслади.
Биринчи ўйинда "Барселона" ўз майдонида римликларни 4:1 ҳисобида мағлуб этган бўлса, иккинчи ўйинда "Жиаллоросси" камбек қилди ва 3:0 ҳисобида ғалаба қозонди. Италияликлар сафарда гол уриш қоидасидан фойдаланган ҳолда ярим финалга йўл олишди.
"Рома"га қарши ўйиндаги кўп тафсилотларни эслайман. Мен учун бу энг ёмон ўйин бўлди. Биз ғалабани рақибга бердик, бошқа айтадиган гап йўқ. Агар сиз 100% диққатни жалб қилмасангиз, бу содир бўлади. Бу бизнинг айбимиз", - дея Ракитичнинг сўзларини келтирган Jijantes.
