Лондоннинг "Челси" клубининг икки асосий футболчиси душанба куни "Стэмфорд Бриж"да бўлиб ўтадиган "Эвертон"га қарши Англия Премьер-лигасининг навбатдаги ўйинини ўтказиб юбориши мумкин.
"Челси" бош мураббийи Маурисио Почеттинонинг айтишича, ярим ҳимоячи Энцо Фернандес ва марказий ҳимоячи Аксель Дисаси енгил жароҳат олган.
Ҳар икки футболчининг "Эвертон"га қарши ўйинда иштирок этиши сўроқ остида.
"Аксель ва Энцода турли жароҳатлар бор. Уларда катта муаммолар бор деб ўйламаймиз. Айни дамда улар жамоа билан машғулот ўтказмаяпти, аммо биз уларнинг "Эвертон"га қарши ўйинда иштирок этиши мумкинми ёки йўқлигини кўриб чиқамиз", - деди Почеттино матбуот анжуманида.
