Мадриднинг “Реал” клуби бош мураббийи Карло Анчелотти “Қироллик клуби” ярим ҳимоячиси Орельен Тчуамени кечаги Испания чемпионатининг 32-туридан ўрин олган “Мальорка”га (1:0) қарши ўйиндаги ҳаракатлари ҳақида гапирди. Учрашувдаги ягона голни франциялик футболчи киритди.
“Орельен? У ажойиб ўйин ўтказди. Бу унинг севимли позицияси. Тчуамени ўз позициясида ўйнаса, тўпни олиб қўйиш осон бўлади. У бу ўйинда бизга катта ёрдам берди", - деди италиялик мутахассис.
Жорий мавсумда Тчуамени мадридликлар сафида 34 та ўйинда майдонга тушиб, 3 та гол урди.
