Деку Хавининг мавсум охирида "Барселона" бош мураббийи лавозимини тарк этиш қарори ҳақида гапирди.
"Кадис"га қарши ўйин (1:0) олдидан "Блауграна" спорт директори Деку клуб Хавини "Барселона"да қолишга кўндириш режаси борми ёки бош мураббийнинг қарори жамоани хотиржам қилишга ёрдам бердими деган саволга жавоб берди.
Аввалроқ каталониялик мураббий мавсум якунида клубни тарк этиш қарорини ўзгартирмаслигини айтганди.
"Айни дамда Хавининг фикрини ўзгартириш режалари йўқ. Агар улар пайдо бўлса, биз бу ҳақда гаплашамиз.
Кўнгил хотиржамлиги натижалардан келиб чиқади. Жамоа ғалаба қозонади. Биз аллақачон Хави ҳақида кўп гапирганмиз. Бу ерда муҳокама қилинадиган ҳеч нарса йўқ. Биз ўйинлар ҳақида ўйлашимиз керак”, - дейди Деку.
"Барселона" 70 очко билан Ла Лигада 2-ўринда бормоқда. "Реал"дан фарқ 8 очкони ташкил этади.
