Deku Xavining mavsum oxirida "Barselona" bosh murabbiyi lavozimini tark etish qarori haqida gapirdi.

"Kadis"ga qarshi o‘yin (1:0) oldidan "Blaugrana" sport direktori Deku klub Xavini "Barselona"da qolishga ko‘ndirish rejasi bormi yoki bosh murabbiyning qarori jamoani xotirjam qilishga yordam berdimi degan savolga javob berdi.

Avvalroq kataloniyalik murabbiy mavsum yakunida klubni tark etish qarorini o‘zgartirmasligini aytgandi.

"Ayni damda Xavining fikrini o‘zgartirish rejalari yo‘q. Agar ular paydo bo‘lsa, biz bu haqda gaplashamiz.

Ko‘ngil xotirjamligi natijalardan kelib chiqadi. Jamoa g‘alaba qozonadi. Biz allaqachon Xavi haqida ko‘p gapirganmiz. Bu yerda muhokama qilinadigan hech narsa yo‘q. Biz o‘yinlar haqida o‘ylashimiz kerak”, - deydi Deku.

"Barselona" 70 ochko bilan La Ligada 2-o‘rinda bormoqda. "Real"dan farq 8 ochkoni tashkil etadi.