"Реал"нинг собиқ ҳужумчиси, ҳозирда "Хетафе"да ўйнаётган Борха Майораль фаолиятини Англия чемпионатида давом эттириши мумкин. Бу ҳақда "Todofichajes" портали саҳифаларида хабар берилди.
Манбанинг хабарига кўра, 27 ёшли испаниялик футболчини трансфер қилишга "Арсенал" клуби қизиқмоқда. Шартнома ёзги трансфер ойнасида якунланиши мумкин. Борханинг бозор қиймати 15 миллион еврога баҳоланмоқда. Унинг "Хетафе" билан шартномаси 2027 йилнинг ўрталарига қадар тузилган.
Испания чемпионатининг жорий мавсумида ҳужумчи 27 та ўйин ўтказиб, 15 та гол (4 таси пенальтидан) ва битта голга ассистентлик қилган.
