"Real"ning sobiq hujumchisi, hozirda "Xetafe"da o‘ynayotgan Borxa Mayoral faoliyatini Angliya chempionatida davom ettirishi mumkin. Bu haqda "Todofichajes" portali sahifalarida xabar berildi.
Manbaning xabariga ko‘ra, 27 yoshli ispaniyalik futbolchini transfer qilishga "Arsenal" klubi qiziqmoqda. Shartnoma yozgi transfer oynasida yakunlanishi mumkin. Borxaning bozor qiymati 15 million yevroga baholanmoqda. Uning "Xetafe" bilan shartnomasi 2027 yilning o‘rtalariga qadar tuzilgan.
Ispaniya chempionatining joriy mavsumida hujumchi 27 ta o‘yin o‘tkazib, 15 ta gol (4 tasi penaltidan) va bitta golga assistentlik qilgan.
