"Бавария" ярим ҳимоячиси Жошуа Киммих "Арсенал" билан 16 апрель куни бўлиб ўтадиган Чемпионлар лигаси 1/4 финали жавоб ўйини ҳақида гапирди.
"Биринчи ўйинда "Арсенал" жуда устунлик қилганини ва биз кўпроқ қарши ҳужумларга таянганимизни кўрдик. Чоршанба куни биз тўлиқ 90 дақиқа давомида ўйинни назорат қилмаймиз. Лекин тўпга кўпроқ эгалик қиламиз ва ўйинга ҳал қилувчи ҳисса қўшишга ҳаракат қиламиз, деб умид қиламан. Жорий мавсумда яхши ўйинлар ўтказдик, уларда қарши ҳужумлардан фойдаландик. Бизда ҳимоядан ҳужумга тез ўтиш учун футболчилар бор", - дея Киммих сўзларини келтиради Bild.
Эслатиб ўтамиз, “Бавария” Мюнхендаги “Альянц Арена” стадионида “Арсенал”га қарши баҳс олиб боради.
