"Пахтакор" - "Нефтчи" ўйинидан кейин бош мураббийлар матбуот анжуманида журналистлар саволларига жавоб қайтаришди.

Юрий САРКИСЯН, "Нефтчи" бош мураббийи:
— Учрашувга тузган режамиз бўйича ҳимояда эҳтиёткорлик билан ҳаракат қилиб, кейин қарши ҳужумда мезбонлар дарвозасини ишғол этиш эди. Ҳаммаси яхши кетаётганди, бироқ биргина хато мағлубиятга сабаб бўлди. Ўша ҳолатда дарвозабон қўпол хатога йўл қўйди. Ўтган турда “Металлург” билан бўлган баҳсда эса ҳимоячимизнинг хатоси рақибга гол туҳфа этганди. Лекин посбонимиз ҳали ёш ва иқтидорли. У бундай хатоларни кейинги беллашувларда такрорламаслиги лозим. Ўзи ҳам қилган ишини яхши тушуниб турибди. Хатони фақат ҳеч нарса қилмаган одам қилмайди.

Ҳозирча ўйинимиз жуда яхши эмас. Лекин вақт ўтиши билан футболчилар юқори формага чиқиб олиши ва ўтган мавсумдагидек муваффақиятларни ўйинларни ўтказишимизга ишонаман.