"Интер" А Сериянинг навбатдаги турида чемпионликни қўлга киритиши мумкин.
Бугун “нерадзуррилар” “Кальяри” билан дуранг ўйнади (2:2).
Чемпионат якунланишига 6 тур қолганида Симоне Индзаги шогирдлари 83 очко билан турнир жадвалида биринчи ўринда бормоқда. “Сассуоло” билан дуранг ўйнаган (3:3) “Милан” эса “Интер”дан 14 очко ортда қолмоқда. “Ювентус” 63 очко билан 3-ўринда, “Болонья” 59 очко билан 4-ўринда.
Шу тариқа, навбатдаги турда “Милан” устидан ғалаба қозонган тақдирда “Интер” муддатидан аввал Италия чемпионига айланади.
А Сериянинг 33-туридан ўрин олган дерби келаси душанба, 22 апрель куни бўлиб ўтади.
