"Inter" A Seriyaning navbatdagi turida chempionlikni qo‘lga kiritishi mumkin.
Bugun “neradzurrilar” “Kalyari” bilan durang o‘ynadi (2:2).
Chempionat yakunlanishiga 6 tur qolganida Simone Indzagi shogirdlari 83 ochko bilan turnir jadvalida birinchi o‘rinda bormoqda. “Sassuolo” bilan durang o‘ynagan (3:3) “Milan” esa “Inter”dan 14 ochko ortda qolmoqda. “Yuventus” 63 ochko bilan 3-o‘rinda, “Bolonya” 59 ochko bilan 4-o‘rinda.
Shu tariqa, navbatdagi turda “Milan” ustidan g‘alaba qozongan taqdirda “Inter” muddatidan avval Italiya chempioniga aylanadi.
A Seriyaning 33-turidan o‘rin olgan derbi kelasi dushanba, 22 aprel kuni bo‘lib o‘tadi.
