Испания чемпионати доирасидаги ўйинда "Реал Мадрид" "Мальорка"ни минимал ҳисобда мағлуб этди - 1:0.
Финал ҳуштаги янграганидан кейин “Лос-Бланкос” дарвозабони Андрей Лунин бош ҳакам ишидан норозилигини билдирди.
Сўнгги дақиқаларда Лунин ўз жарима майдончаси ичида Ведат Мурики билан дуелда ютқазди, шундан сўнг рақиб "қироллик" клуби дарвозасига зарба берди.
Ҳужум қилаётган томоннинг қоида бузилишини қайд этмаган ҳакамнинг қароридан украиналик ўта норози бўлди.
“Бу аниқ қоидабузарлик эди. Бунга қандай қилиб йўл қўйиш мумкин?”, – дея Луниннинг сўзларини келтиради Defensa Central.
