"Бавария" ҳужумчиси Лерой Сане жорий мавсум якунида жамоани тарк этмайди. Германиянинг Kicker нашри шундай маълумот тарқатди.
Унинг сўзларига кўра, янги келишув бўйича музокаралар тез орада бўлиб ўтади ва футболчининг ўзи ҳеч қаёққа кетишни истамаяпти. Бироқ, яна бир муҳим омил роль ўйнаши мумкин - жамоанинг янги бош мураббийи. Ҳозирча клуб унга нисбатан ишончи комил эмас.
Бир кун аввал “Бавария” 12 йил ичида биринчи марта чемпионлик унвонидан маҳрум бўлганди, “Байер” янги чемпионга айланди.