"Челси" Энцо Фернандес билан шартномани узайтириш вариантини фаоллаштирган кўринади.
Evening Standard нашрининг Англия футбол ассоциацияси ҳужжатларига таяниб хабар беришича, ярим ҳимоячи билан тузилган шартнома эндиликда 2032 йилнинг ёзига қадар амал қилади. Иш ҳақи - ҳафтасига 180 минг фунт.
2023 йилнинг январида аргентиналик футболчининг трансферини эълон қилар экан, "Челси" келишув муддати 2031 йилда тугашини таъкидлаганди.
Evening Standard нашрининг ёзишича, вингер Михаил Мудрик билан шартнома 2031 йилгача узайтирилган.
Қайд этилишича, украиналик ҳафтасига 97 минг фунт маош олади.
