"ПСЖ" ҳимоячиси Ашраф Ҳакимий жамоанинг 16 апрель куни Барселонада бўлиб ўтадиган Чемпионлар лигасида "Барселона" билан жавоб ўйинига тайёрлиги ҳақида гапирди.
“Биринчи ўйинда майдонга туша олмадим. Мен жамоага ёрдам беришни хоҳлардим. Биз яхши ўйин ўтказдик, аммо ғалаба қозона олмадик. Эртага ғалаба қозониш учун боримизни беришимиз керак. Биз катта истак, биринчи ўйинда бўлган нарсани ўзгартириш истаги билан келдик. Биз ғалаба қозониш ва Парижга ғалаба билан кетиш учун келдик
Менимча, Мбаппе бутун жамоа каби мотивацияга тўла. Биринчи ўйин натижасини ўзгартиришга тайёр эканлигимизни кўрсатиш вақти келди", - дея Ҳакимининг сўзларини келтиради RMC Sport.
Эслатиб ўтамиз, “Барселона” биринчи ўйинда “ПСЖ”ни 3:2 ҳисобида мағлуб этганди.
