Sky Sports телеканалига берган интервьюсида Жейми Каррагер "Ливерпул"нинг айрим муаммолари ҳақида гапирди. Хусусан, жамоа чемпионлик пойгасида қолиши учун майдоннинг сўнгги учинчи қисмидаги камчиликларини бартараф этиши керак.
"Бу ҳолат ўзгариши керак. Менимча, "Ливерпул"нинг бу босқичдаги XG'си тахминан тўққизта ва улар гол уришда қийналишади, бу яхши эмас ва ҳозирда энг муҳим паллаларда вазиятларни шундай якунлаш жамоанинг катта муаммоси ҳисобланади.
Буни тузатиш учун ҳали вақт бор, лекин ўйлайманки, ўйинчиларнинг табиати ҳар доим ҳам шундай бўлиб қолган. Аммо "Ливерпуль" чемпионлик пойгасига қайтмоқчи бўлса, бу жуда тез ўзгариши керак", – деди Каррагер.
