"Реал Мадрид" ҳеч қачон Чемпионлар лигасининг плей-офф босқичидан амалдаги турнир ғолиби томонидан чиқариб юборилмаган.
1992 йилда турнир номи ва формати ўзгарганидан бери Мадрид клуби ўтган мавсум чемпиони билан плей-оффда 5 марта тўқнаш келган. "Реал Мадрид" ҳар доим Чемпионлар лигасининг амалдаги ғолибини мағлуб этди ва ўша мавсумда турнирда ғолиб чиқди.
Бу 1998 йилда "Боруссия"га, 2000 йилда "Манчестер Юнайтед"га, 2002 ва 2014 йилда "Бавария"га, 2022 йилда "Челси"га қарши ўйинларда содир бўлган.
Мадридликлар Чемпионлар лигасининг чорак финалида турнирнинг амалдаги ғолиби "Ман Сити" билан ўйнайди. Мадриддаги биринчи ўйин 3:3 ҳисобида якунланганди.
