Бернарду Силва "Манчестер Сити"нинг кутилаётган натижалари ҳақида гапирди.
“Шаҳарликлар” турнир якунланишига 7 тур қолганда “Арсенал” ва “Ливерпул”дан 2 очко олдинда, Премер-лига турнир жадвалида биринчи ўринни эгаллаб турибди.
Эртага Пеп Гвардиола шогирдлари Чемпионлар лигаси чорак финалида "Реал" билан жавоб учрашувини ўтказади. Биринчи ўйин 3:3 ҳисобида дуранг билан якунланган эди.
“Албатта, бу биз учун жуда яхши дам олиш кунлари бўлди. Иккала рақиб ҳам очко йўқотишини кутмагандик. Илгари ҳамма нарса ўз қўлимизда эмас эди, шунинг учун биз ўз ишимизни қилишимиз ва уларнинг очко йўқотишини кутишимиз керак эди. Энди вазият бироз ўзгарди, чунки агар биз ўз вазифамизни тўғри бажарсак, лигада ғалаба қозонамиз.
Ўйиндан ўйинга диққатни жамлаш керак. Требль ҳақида ўйлашни бошлаш нотўғри, чунки бу ҳақиқатга тўғри келмайди. Эртага бизни "Реал" билан ўйин, кейин эса Англия кубоги доирасида "Челси"га қарши яна бир қийин ўйин кутиб турибди ва биз бир ҳафта ичида учта турнирда ҳам мағлуб бўлишимиз мумкин", - деди “Манчестер Сити” ярим ҳимоячиси.