Мадриднинг "Реал" клуби ярим ҳимоячиси Жуд Беллингем ўтган ёзда "Манчестер Сити"га ўтмагани ҳақида фикр билдирди.
"Мен кўплаб клублар билан гаплашдим, аммо "Реал"дан таклиф олганимда, узоқ ўйлашим шарт эмас эди", - деди Беллингем Madrid Xtra билан суҳбатда.
Эслатиб ўтамиз, 20 ёшли ярим ҳимоячи "Лос-Бланкос"га 2023 йилнинг июль ойида келиб қўшилган эди. Бу вақт ичида у барча турнирларда 34 та учрашувда майдонга тушиб, 20 та гол урди ва 10 та голли узатмани амалга оширди.
Беллингемнинг "Реал" билан амалдаги шартномаси 2029 йилгача мўлжалланган. Transfermarkt портали футболчининг нархини 180 миллион еврога баҳоламоқда.
