Усмон Дембеле "Барселона" билан 2 та ўйинда "ПСЖ"даги бошқа ўйинларга қараганда кўпроқ гол урди.
Парижлик вингери Чемпионлар лигаси чорак финали жавоб ўйинининг 40-дақиқасида Брэдли Барколанинг жарима майдончасига узатмасидан унумли фойдаланган ҳолда (1:1, танаффус) ҳисобни тенглаштирди. Франциялик футболчи чорак финалнинг биринчи учрашувида ҳам гол урганди (2:3).
"Барселона" билан ўтказган ўйинларидан ташқари Дембеле ўтган ёзда Каталония клубидан ўтганидан бери "ПСЖ" сафида 34 та ўйинда майдонга тушди. Уларда Усмон битта гол урди ва 13 та голли узатмани амалга оширди.
