“Атлетико” “Боруссия”га ютқазиб, Чемпионлар лигасининг чорак финалида турнирдан чиқиб кетди.
Дортмунд клуби ЕЧЛ 1/4 финал жавоб ўйинида “Атлетико”ни қабул қилиб, 4:2 ҳисобида ғалаба қозонди. Умумий ҳисоб 5:4, “Боруссия” фойдасига.
Шу тариқа, Диего Симеоне жамоаси жорий еврокубоклар мавсумини Чемпионлар лигасининг чорак финал босқичида якунлади. "Атлетико" 2016/2017 йилги мавсумдан бери Чемпионлар лигасининг ярим финалига чиқа олмаяпти.
Ўшанда жамоа ярим финалда “Реал”га умумий 2:4 ҳисобида имкониятни бой беришганди.
2018 йилда Диего Симеоне шогирдлари финалда “Марсель”ни 3:0 ҳисобида мағлуб этиб, Европа Лигаси ғолибига айланганди.
