“Atletiko” “Borussiya”ga yutqazib, Chempionlar ligasining chorak finalida turnirdan chiqib ketdi.

Dortmund klubi YECHL 1/4 final javob o‘yinida “Atletiko”ni qabul qilib, 4:2 hisobida g‘alaba qozondi. Umumiy hisob 5:4, “Borussiya” foydasiga.

Shu tariqa, Diyego Simeone jamoasi joriy yevrokuboklar mavsumini Chempionlar ligasining chorak final bosqichida yakunladi. "Atletiko" 2016/2017 yilgi mavsumdan beri Chempionlar ligasining yarim finaliga chiqa olmayapti.

O‘shanda jamoa yarim finalda “Real”ga umumiy 2:4 hisobida imkoniyatni boy berishgandi.

2018 yilda Diyego Simeone shogirdlari finalda “Marsel”ni 3:0 hisobida mag‘lub etib, Yevropa Ligasi g‘olibiga aylangandi.