Андрей Аршавин Арсен Венгер қўл остидаги машғулотлар ҳақида гапирди.
"Венгернинг фалсафаси нима? Унга ёш футболчилар кўпроқ ёқади, улар билан ишлаш унга осонроқ. Мен эса 27 ёшимда "Арсенал"га ўтдим.
Агар машғулот жараёни ҳақида гапирадиган бўлсак, мен Ҳиддинк ва Адвокат машғулотларига яқинроқман. "Квадратчалар", тўпни ушлаб туриш машқлари, дарвозага зарбалар, кейин эса футбол. Ҳаммаси! Менимча, энг яхши вариант.
Венгер эса ўйинни моделлаштиришга, қаршиликсиз комбинацияларни машқ қилишга катта эътибор берди. Баъзида футболга вақт қолмади.
Охири нима бўлди? Агар сиз "Арсенал"нинг асосий таркибига кира олмасангиз, бир ҳафта машқ қилишингиз ва футбол ўйнамаслигингиз мумкин! Мен бу ёндашувни тушунмаганман", деди “Арсенал”нинг собиқ ярим ҳимоячиси.
