Andrey Arshavin Arsen Venger qo‘l ostidagi mashg‘ulotlar haqida gapirdi.
"Vengerning falsafasi nima? Unga yosh futbolchilar ko‘proq yoqadi, ular bilan ishlash unga osonroq. Men esa 27 yoshimda "Arsenal"ga o‘tdim.
Agar mashg‘ulot jarayoni haqida gapiradigan bo‘lsak, men Hiddink va Advokat mashg‘ulotlariga yaqinroqman. "Kvadratchalar", to‘pni ushlab turish mashqlari, darvozaga zarbalar, keyin esa futbol. Hammasi! Menimcha, eng yaxshi variant.
Venger esa o‘yinni modellashtirishga, qarshiliksiz kombinasiyalarni mashq qilishga katta e’tibor berdi. Ba’zida futbolga vaqt qolmadi.
Oxiri nima bo‘ldi? Agar siz "Arsenal"ning asosiy tarkibiga kira olmasangiz, bir hafta mashq qilishingiz va futbol o‘ynamasligingiz mumkin! Men bu yondashuvni tushunmaganman", dedi “Arsenal”ning sobiq yarim himoyachisi.
