"Барселона" ҳимоячиси Рональд Араухо "ПСЖ"га қарши ЕЧЛ чорак финал жавоб ўйинида қизил карточка олганидан сўнг ўз фикрларини билдириб ўтди.
Каталония жамоаси фойдасига ҳисоб 1:0 бўлиб турган пайтда Араухо майдондан четлатилди.
Натижада “кўк-анорранглилар” 1:4 ҳисобида мағлуб бўлишди ва мусобақадан чиқиб кетишди.
"Менга катта қувонч бахш этган футбол энди менга қаттиқ таъсир қилди. Мени қўллаб-қувватлаганларга, майдонда бор кучини берган шерикларимга, охиригача бизга ишонган мухлисларга раҳмат айтаман.
Бу қувончни сизларга бермаганимдан жуда афсусдаман. Кейинги сафар яна уриниб кўрамиз. "Барса, абадий!" – деб ёзди Араухо ижтимоий тармоқларда.
