"Манчестер Сити" кетма-кет 2-мавсум требль қила олмайдиган бўлди.
Пеп Гвардиола бошчилигидаги жамоа Чемпионлар лигаси 1/4 финалининг иккинчи ўйинида “Реал”га (1:1, пенальтилар бўйича 3:4) мағлуб бўлди.
“Манчестер Сити” еврокубокларнинг асосий турниридан чиқиб кетди ва кетма-кет иккинчи треблга эришиш имкониятини йўқотди. “Шаҳарликлар” ҳали Англия чемпионати ва Англия кубогини ютиб олиш имкониятига эга, улар кубок ярим финалида “Челси” билан учрашади.
Ўтган мавсумда жамоа Премьер-лига чемпиони бўлди, Чемпионлар лигасида ғолиб чиқди ва Англия кубогини қўлга киритди.
Эслатиб ўтамиз, "Бавария" ва "Барселона" икки мартадан треблга эришган, аммо кетма-кет эмас. Илгари "Барселона" билан требль ютган Гвардиола тарихда икки хил клуб билан требль ютган биринчи мураббий ҳисобланади.
