"Manchester Siti" ketma-ket 2-mavsum trebl qila olmaydigan bo‘ldi.
Pep Gvardiola boshchiligidagi jamoa Chempionlar ligasi 1/4 finalining ikkinchi o‘yinida “Real”ga (1:1, penaltilar bo‘yicha 3:4) mag‘lub bo‘ldi.
“Manchester Siti” yevrokuboklarning asosiy turniridan chiqib ketdi va ketma-ket ikkinchi treblga erishish imkoniyatini yo‘qotdi. “Shaharliklar” hali Angliya chempionati va Angliya kubogini yutib olish imkoniyatiga ega, ular kubok yarim finalida “Chelsi” bilan uchrashadi.
O‘tgan mavsumda jamoa Premyer-liga chempioni bo‘ldi, Chempionlar ligasida g‘olib chiqdi va Angliya kubogini qo‘lga kiritdi.
Eslatib o‘tamiz, "Bavariya" va "Barselona" ikki martadan treblga erishgan, ammo ketma-ket emas. Ilgari "Barselona" bilan trebl yutgan Gvardiola tarixda ikki xil klub bilan trebl yutgan birinchi murabbiy hisoblanadi.
