Мюнхеннинг “Бавария” клуби ярим ҳимоячиси Йозуа Киммих Европа Чемпионлар Лигаси чорак финал жавоб ўйинида Лондоннинг “Арсенал” клуби устидан қозонилган минимал ғалаба ҳақида гапирди.
Немислар 1:0 ҳисобида зафар қучди, ягона гол Киммих томонидан киритилди.
"Ақл бовар қилмас туйғу. Мухлисларимиз олдида жуда муҳим гол урдим. Мен майдонга шундай лаҳзалар учун чиқаман.
Биз бу ғалаба учун астойдил ҳаракат қилдик. Учрашувнинг энг яхши футболчиси деб тан олиндим, бундан хурсандман.
Энди бор эътиборимизни ярим финалга қаратмоқдамиз", - деди футболчи.
