“Шахтёр” бош директори лавозимини эгаллаб турган Сергей Палкин вингер Михаил Мудрик ҳақида гапирди.
Ўтган йил бошида Украина клуби Мудрикни "аристократлар"га 70 миллион еврога сотиб юборганди.
Шартномада 30 миллион евро миқдоридаги бонуслар бор.
"Миша - топ футболчи. Менимча, “Челси” мураббийлари ундан тўғри фойдаланишни, жамоадошлари эса у билан қандай ўйнашни ўрганишлари керак.
“Шахтёр”да биз Мудрикнинг кучли томонларини тушундик ва бошқа футболчиларни ундан максимал даражада фойдаланишга ундадик.
Кўп нарса мураббийларга боғлиқ. Миша ҳали ёш", - дея Палкиннинг сўзларини келтиради Evening Standart.
