Чемпионлар лигасида Англиядан жамоа қолмади.
Чорак финал босқичида “Манчестер Сити” ва “Арсенал” мос равишда “Реал” ва “Бавария”га имкониятни бой бериб, мусобақадан чиқиб кетишди.
Машҳур собиқ футболчи Пол Мерсоннинг сўзларига кўра, ички чемпионат шиддати туфайли Премьер-лига клубларининг Чемпионлар лигасида қатнашиши қийин.
“Инглиз жамоалари билан боғлиқ муаммо бу Премьер-лигада. Премьер-лигадаги шиддатга бардош бериш қийин.
"Манчестер Сити", "Арсенал" ва "Ливерпуль" ҳозирда Премьер-лига тарихидаги энг яхши чемпионлик пойгаларидан бирида иштирок этишмоқда.
Бу катта пойга, жамоалар ўртасида атиги икки очко бор. Бу мусобақа жуда катта жисмоний ва руҳий куч талаб қилади.
Мен жамоалар баҳона қилмоқчи деган фикрда эмасман", – деди Мерсон Sky Sports нашрига берган интервьюсида.
