Лондоннинг "Арсенал" клуби ёзда ҳужум чизиғини кучайтириш учун кўп пул сарфлаши мумкин. The Guardian хабарига кўра, "канонирлар" "Ньюкасл" ҳужумчиси Александр Исак ва "Кристал Пэлас" вингери Майкл Олисе билан шартнома имзолаши мумкин.
Манба берган хабарга кўра, Микель Артета жамоаси иккала футболчини бирданига трансфер қилишдан манфаатдор. Дастлабки ҳисоб-китобларга кўра, Олисе ва Исакнинг трансферлари "Арсенал"га жами 193 миллион еврога тушиши мумкин.
Исак Англия Премьер-лигасининг жорий сонида 24та ўйинда 17та гол урди ва битта голли узатмани амалга оширди. Олисе чемпионатда 13 та ўйин ўтказиб, 6 та гол ва 3 та голли узатмани амалга оширди.
