Аргентиналик дарвозабон лазер билан боғлиқ воқеа туфайли 11 ўйинга дисквалификация қилинди.
Мексика футбол федерацияси “Тигрес” посбони Науел Гусманни “Монтеррей”га қарши баҳсдан сўнг (3:3) “номақбул хатти-ҳаракатлари” учун 11 ўйинга четлатди.
Гусман жароҳати туфайли ўйинда иштирок этмаган. Бироқ рақиб жамоа стадиони ВИП-секторида ўтирган Науел “Монтеррей” дарвозабони Эстебан Андраденинг кўзига лазер тутгани камераларга тушиб қолган.
Ундан ташқари “Тигрес” жамоаси ҳам ички қонун-қоидаларга кўра дарвозабонни жазолаши, унга қўшимча жарималар белгилашини маълум қилган.
