"Барселона" ҳимоячиси Жоау Канселу УЕФА Чемпионлар лигаси чорак финалида "ПСЖ"га қарши жавоб ўйинидан сўнг таҳдидлар олмоқда. Ушбу ўйинда португалияликнинг қўполлиги сабаб "кўк-анорранглилар" дарвозасига пенальти белгиланганди.
“Ижтимоий тармоқларда қизимга ўлим тилаб хабар ёзганларни кўрдим. Ҳеч ким буни юзига айта олмайди, чунки муаммолар пайдо бўлади. Лекин изоҳларда улар ҳамма нарсани ёзадилар. Хотинимни ҳам ҳақорат қилишади. Биз шафқатсиз дунёда яшаяпмиз. Сиз менинг ўйинимни танқид қилишингиз мумкин, лекин менинг оиламга тегманглар”, - дейди Канселу Sport.es нашрига.
Эслатиб ўтамиз, ўйин “Барселона”нинг 1:4 ҳисобидаги йирик мағлубияти билан якунланган эди.