Италия чемпионатида 33-тур ўйинлари бошланди, “Лацио” “Женоа” билан ўйнади ва учрашувнинг иккинчи бўлими ўрталарида Луис Албертонинг голи эвазига минимал устунлик билан ғалаба қозонди. Учрашув натижасини Рим клубининг бразилиялик футболчиси Фелипе Андерсон қуйидагича изоҳлади.

"Биринчи бўлимда бизда қийинчиликлар ва кўплаб техник нуқсонлар бўлди. Рақиб кам жой қолдирди ва жуда зич ўйнади. Иккинчи бўлимда биз ўз имкониятларимизни ишга солдик ва бу эпизодда гол билан иштирок этганимдан хурсандман. Мен бу жамоада улғайганман ва мен унда бўлишдан завқланяпман", - дея Андерсоннинг сўзларини келтиради cittaceleste.it.