"Бавария" янги бош мураббий қидирмоқда - ёзги мавсумда жамоа бошқарувидаги Томас Тухелнинг ўрнини босадиган мураббий керак.

Биринчи рақамли номзод Юлиан Нагельсманн эди, бироқ Германия терма жамоаси мураббийи яқинда мамлакат футбол иттифоқи билан шартномасини узайтирган эди.

Миш-мишларга кўра, "Бавария" ҳозирда Зинедин Зидан ва Ральф Рангникни ўртасида танлов қилмоқчи.

Sport1 хабарига кўра, Бундеслига гранди вакиллари аллақачон Рангник билан боғланишган. Телефон мулоқоти чоғида Австрия терма жамоасининг амалдаги устози 2026 йилгача мўлжалланган амалдаги шартномани бажармоқчи эканлигини айтди.