"Арсенал" февраль ойидан бери Премьер-лиганинг сафар ўйинида гол ўтказиб юбормади.

Кеча Микель Артета шогирдлари меҳмонда "Вулверхэмптон"ни мағлуб этишди - 2:0.

Чемпионатнинг сўнгги олтита меҳмонда ўтказган ўйинида “Арсенал” 22 та гол урди ва битта ҳам гол ўтказиб юбормади. Бу даврда “канонирлар” “Вест Хэм” (6:0), “Бёрнли” (5:0), “Шеффилд Юнайтед” (6:0), “Манчестер Сити” (0:0), “Брайтон” (3:0) ва “Вулверхемптон” (2:0) клублари билан ўйнаган.

Меҳмонда урилган 22 та гол ва ўтказиб юборилган 0 та гол - Премьер-лига тарихидаги энг яхши кўрсаткич. Аввалги рекорд 2008 йилнинг сентябрь ва декабрь ойларида бирорта ҳам гол ўтказиб юбормаган ҳолда кетма-кет 20 та гол урган “Челси”га тегишли эди.

"Арсенал" 30 январь куни "Ноттингем Форест" билан ўйинда (2:1) АПЛ доирасидаги сафардаги сўнгги голини ўтказиб юборганди.