"Арсенал" бош мураббийи Микель Артета жамоасининг АПЛ доирасида "Вулверхэмптон" устидан қозонилган ғалабаси (2:0) ҳақида фикр билдирди. "Канонирлар" сафарда "бўрилар"ни мос равишда 45 ва 95-дақиқаларда Леандро Троссард ва Мартин Эдегорнинг голлари эвазига мағлуб этишди.

“Тўғри, мен ўйинчилар билан фахрланаман. Жамоа тўғри жавоб берди. Биз ҳақли равишда ғалаба қозондик ва яна ўз дарвозамизни ҳимоя қила олдик. Албатта, “Бавария”дан учралган мағлубиятдан ҳафсаламиз пир бўлди, бироқ бизда ҳали олдинда бешта лига ўйини бор ва биз энди жадвалнинг юқори ўринларига қайтдик”, деди Артета.

"Арсенал" 33-турдан кейин 74 очко билан пешқадамлик қилмоқда, аммо "Манчестер Сити" (73) ва "Ливерпуль" (71) ҳисобида биттадан ўйин бор.