"РБ Лейпциг" ярим ҳимоячиси Дани Ольмо ёзги трансфер ойнасида "Барселона"га ўтмоқчи.
Яқинда испан матбуотида "блауграна" спорт директори ва футболчининг агентлари ўртасидаги учрашув ҳақида маълумот пайдо бўлди. Sport нашрининг янгиланган маълумотларига кўра, Ольмо ҳақиқатан ҳам "Барселона"га ўтмоқчи - унинг вакиллари Каталония гигантининг молиявий қийинчиликларига қарамай, трансфер амалга ошиши учун бор кучини ишга солишга тайёр.
Дани Ольмонинг трансфери "Барселона"га 60 миллион еврога тушади - бу 25 ёшли испанияликнинг "РБ Лейпциг" билан шартномасида кўрсатилган товон пули.
