21 апрель куни Англия кубоги ярим финали доирасидаги "Ковентри Сити" ва "Манчестер Юнайтед" ўйини бўлиб ўтади. Эътиборлиси, “қизил иблислар”нинг “Ковентри Сити” билан ўйинда иштирок эта оладиган ягона соғлом марказий ҳимоячиси Харри Магуайрдир.
Рафаэль Варан ва Жонни Эванс мушаклари шикастлангани учун учрашувни ўтказиб юборишади. Лисандро Мартинес апрель ойининг бошидан бери сонини даволаяпти, Виктор Линделоф эса тиззасидан жароҳат олган.
Ҳимоячи Вилли Камбвал ҳам шу ҳафта жароҳат олди. "Манчестер Юнайтед" бош мураббийи Эрик тен Хаг бу позицияда номинал ярим ҳимоячи Каземирони ўйнатади.
