Каталониянинг "Барселона" клуби ҳимоячиси Иньиго Мартинес фаолиятини Испаниянинг бошқа клубида давом эттириши мумкин.
Todofichajes нашри хабарига кўра, "Атлетико Мадрид" 32 ёшли футболчини ўз сафига қўшиб олмоқчи. "Матрасчилар" Мартинесни ёзги трансфер ойнасида клубини ўзгартиришга яқин бўлган Марио Эрмосонинг ўрнига номзод сифатида кўриб чиқмоқда.
Иньигонинг "кўк-анорранглилар" билан шартномаси 2025 йилнинг ёзига қадар мўлжалланган, унинг бозор нархи олти миллион еврога баҳоланмоқда.
Испания чемпионатининг ушбу мавсумида ҳимоячи "Барселона" сафида 15 та ўйин ўтказиб, 5 та сариқ карточка олди.
