"Манчестер Юнайтед" бош мураббийи Эрик тен Хаг танқид ва муваффақиятсизликка муносабати ҳақида гапирди.
"Менга нисбатан адолатли муносабатда бўлиш ёки бўлмаслигини аниқлаш учун куч сарфламайман. Мен нима қилаётганимизни ва нима учун бу ерда эканлигимни биламан - совринлар олиш ва иқтисодий қиймат яратиш. Ва биз бунинг устида ишлаяпмиз. Бу жараёнда муваффақиятсизликлар рўй беради ва мен бунга реал қарайман, оқилона муносабатдаман", - деди нидерландиялик мутахассис Sky Sports билан суҳбатда.
Эслатиб ўтамиз, 32 та ўйиндан кейин "қизил иблислар" Англия чемпионатида еттинчи ўринда бормоқда. Бугун, 21 апрель куни "манкунианликлар" Англия кубоги ярим финалида "Ковентри"га қарши баҳс олиб боради.
