"Реал" ва Испания терма жамоасининг собиқ дарвозабони Икер Касильяс мадридликлар устози Карло Анчелоттини "хамелеон"га қиёслади.

"Карло кийиниш хонасида футболчиларнинг ишончини қозонишни жуда яхши билади. У хамелеонга ўхшайди: жамоа таркиби ўзгариши мумкин, лекин у бир зумда мослашади ва бу натижа кўринишида ўз мевасини беради. Карлонинг "Реал Мадрид"да эканлиги жуда яхши, чунки у ҳамма нарсани қандай қилиб яхши йўлга қўйишни билади. У Мадрид ва Испанияни яхши кўради", - деди собиқ дарвозабон AS билан суҳбатда.

Эслатиб ўтамиз, Чемпионлар лигаси чорак финалида “Реал” “Манчестер Сити”ни умумий ҳисобда мағлуб этди. Ярим финалда мадридликлар Мюнхеннинг “Бавария” жамоаси билан тўқнаш келишади. Ла Лигада Карло Анчелотти шогирдлари ишончли тарзда пешқадамлик қилмоқда ва энг яқин таъқибчисидан 8 очко олдинда.