Ўтган ҳафтада "Манчестер Сити" Чемпионлар лигасидан чиқиб кетди ва "Реал"га пенальтилар сериясида мағлуб бўлди.
"Шаҳарликлар"нинг ҳужумкор ярим ҳимоячиси Бернарду Силва пенальтини голга айлантира олмади - у дарвоза марказига зарба берди ва Андрей Лунин тўпни ушлаб олди.
Силва ўз зарбасига изоҳ берди.
"Менда иккита вариант бор эди. Дарвозабоннинг қандай муносабатда бўлганини кўриш учун дастлаб уни чалғитмоқчи эдим.
Дарвозабон ҳаракат қилишни бошлагани учун марказга зарба бериш тўғри қарор бўлади деб ўйладим, чунки босим пайтида дарвозабонлар 99% ён томонга сакрайди.
Аммо у жойида қолишга қарор қилди ва мен унга ишондим, у ролини зўр бажарди", - дея Бернардунинг сўзларини келтиради ESPN.
