"Атлетико" бу йил Испания чемпиони бўла олмайди.
Ла Лиганинг 32-турида “Реал” ўз майдонида “Барселона”ни мағлуб этди (3:2).
"Лос-Бланкос" чемпионатда 81 очко тўплаган. Шу тариқа, “Алавес”дан мағлуб бўлган (0:2) ва турнир жадвалида 61 очко билан 4-ўринда бораётган “Атлетико” чемпионлик учун математик имкониятларини йўқотди.
Бу "матрасчилар" учун 2020/21 йилги мавсумда чемпионликни қўлга киритганидан кейин кетма-кет учинчи совринсиз мавсумдир. Диего Симеоне шогирдлари бундан аввал Испания кубоги ярим финалида “Атлетик”га (0:1, 0:3) имкониятни бой берганди, Чемпионлар лигаси чорак финалида эса “Боруссия”га ютқазган (2:1, 2:4). Шунингдек улар Испания Суперкубогида "Реал"на таслим бўлишган (3:5).
Айни дамда учта клубда Ла Лига чемпионлигини қўлга киритиш имконияти сақланиб қолмоқда: "Реал Мадрид", "Барселона" ва "Жирона".
