"Вулверхэмптон"га тегишли бўлган 22 ёшли ҳимоячи Раян Аит-Нури кучли жамоага ўтиши мумкин. Маълум бўлишича, футболчини ўз сафига қўшиб олишга "Ливерпуль" қизиқмоқда.
"Қизиллар" аллақачон "бўрилар" билан музокара олиб борган ва футболчининг трансфери бўйича дастлабки келишувга эришган. Битим суммаси 45 миллион еврога баҳоланмоқда. Бу "Ливерпул"нинг Юрген Клопп кетганидан кейин биринчи хариди бўлади.
Немис мутахассиси 2023/2024 йилги мавсум якунида жамоани тарк этади. Англия чемпионатининг жорий мавсумида Аит-Нури 28 учрашувда майдонга тушиб, иккита гол ва битта голли узатмани амалга оширди.
