Туриннинг “Ювентус” клуби ярим ҳимоячиси Адриен Рабио Англия Премьер-лигасининг иккита клубининг радарида. Calciomercato хабарига кўра, франциялик футболчига "Манчестер Юнайтед" ва "Ньюкасл" клублари қизиқиш билдирмоқда.
Манбанинг таъкидлашича, агар Рабио "Ювентус" билан янги шартнома имзолашдан бош тортса, "Манчестер Юнайтед" ва "магпийлар" уни қўлга киритишга ҳаракат қилади. Ярим ҳимоячининг Массимилиано Аллегри жамоаси билан амалдаги шартномаси келаси ёзда якунига етади.
Аввалроқ “Манчестер Юнайтед” Рабиога қизиқиш билдирганди, бироқ манкунианликлар франциялик футболчи билан шахсий шартларда келишувга эриша олишмади, чунки футболчи ортиқча маош сўраганди.
