Turinning “Yuventus” klubi yarim himoyachisi Adriyen Rabio Angliya Premyer-ligasining ikkita klubining radarida. Calciomercato xabariga ko‘ra, fransiyalik futbolchiga "Manchester Yunayted" va "Nyukasl" klublari qiziqish bildirmoqda.
Manbaning ta’kidlashicha, agar Rabio "Yuventus" bilan yangi shartnoma imzolashdan bosh tortsa, "Manchester Yunayted" va "magpiylar" uni qo‘lga kiritishga harakat qiladi. Yarim himoyachining Massimiliano Allegri jamoasi bilan amaldagi shartnomasi kelasi yozda yakuniga yetadi.
Avvalroq “Manchester Yunayted” Rabioga qiziqish bildirgandi, biroq mankunianliklar fransiyalik futbolchi bilan shaxsiy shartlarda kelishuvga erisha olishmadi, chunki futbolchi ortiqcha maosh so‘ragandi.